Politics
ஸ்டாலின் மீதிருந்த கோபம்.. தவெகவிற்கு தாவுகிறார் திமுகவின் இளம் நம்பிக்கை? பெரிய டீமும் போகுது
சென்னை: தமிழக அரசியல் களம் 2026 சட்டமன்றத் தேர்தல் முடிவுகளுக்குப் பின்னரும் தொடர்ந்து பரபரப்பாகவே உள்ளது. தேர்தல் அரசியலில் பெரும் தாக்கத்தை ஏற்படுத்திய நிலையில் தமிழக வெற்றிக் கழகம் நோக்கி பல கட்சி நிர்வாகிகளும் இளம் தலைவர்களும் செல்ல தொடங்கியுள்ளனர்.
இந்தச் சூழலில், திராவிட முன்னேற்றக் கழகமில் மிகவும் துடிப்பான, மக்கள் மத்தியில் நல்ல அறிமுகம் கொண்ட இளம் தலைவர் ஒருவர், தவெக உயர்மட்டத் தலைமையுடன் தீவிர பேச்சுவார்த்தையில் ஈடுபட்டு வருவதாக அரசியல் வட்டாரங்களில் பெரும் பரபரப்பு ஏற்பட்டுள்ளது. இந்த இளம் தலைவர் தனது பேச்சுக்கள் காரணமாக பிரபலம் அடைந்தவர்.
ஆனால், வேட்பாளர் பட்டியல் வெளியானபோது அவரது பெயர் இடம்பெறவில்லை. கட்சித் தலைமை அவரை முழுமையாக புறக்கணித்ததாகக் கூறப்படுகிறது. முதலில் வாரிசு அரசியல் காரணமாக சீட் மறுக்கப்பட்டதாக நம்பப்பட்டாலும், உண்மையான காரணம் வேறு என்று இப்போது தகவல்கள் வெளியாகின்றன.
திமுக உயர்மட்டத்துக்கு மிக நெருக்கமான வட்டாரங்கள் தெரிவிக்கும் தகவலின்படி, இந்த இளம் தலைவர் மீது ஒரு பெண் நிர்வாகி தரப்பில் தீவிரமான பாலியல் புகார் எழுப்பப்பட்டது. கட்சியின் நற்பெயருக்கு பாதிப்பு ஏற்படாமல் இருக்க, தலைமை இந்த விவகாரத்தை ரகசியமாக விசாரித்ததாகக் கூறப்படுகிறது. தேர்தலுக்கு முன்பு இந்த விவகாரம் வெளியானால் எதிர்க்கட்சிகளுக்கு பெரும் ஆயுதமாக மாறும் என்பதால், அவருக்கு சீட் மறுக்கப்பட்டதாக அறிவாலய வட்டாரங்கள் கூறுகின்றன.
தவெக நோக்கி நகரும் இளம் தலைவர்
தற்போது தவெகவின் முக்கிய நிர்வாகிகள் மூலம் கட்சியின் உயர்மட்டத் தலைமையை அணுகி பேச்சுவார்த்தை நடத்தி வருகிறார். திமுகவில் செய்த களப்பணி, சமூக ஊடக செல்வாக்கு மற்றும் இளைஞர்களை ஈர்க்கும் தனது ஆளுமையை வலியுறுத்தி முக்கிய பொறுப்பு கோரி வருவதாகத் தெரிகிறது.
தவெக தலைமைக்கு தர்மசங்கடம்